戀上台式料理 (Closed)

對於有養狗嘅人來講，出開去同狗狗散步又要諗喺邊度食飯真係諗到頭都大埋，咁啱朋友同我講將軍澳有個地方可以放狗之餘仲可以入去食飯，就同男朋友加埋狗狗一齊去散步順便試下間餐廳。餐廳走Cafe風格，分為室外同室內兩part，室內放咗兩個書架嘅書供客人借閲。戀上三杯雞酒香撲鼻，雞肉好滑而且彈牙，攞嚟送飯一流。滷肉飯配滷水糖心蛋糖心蛋煮得啱啱好有啲流芯唔會太熟，滷肉肥瘦比例適中，醬汁亦非常香甜，加埋白飯一齊食超正。戀戀蚵仔煎蚵仔粒粒飽滿，而且蛋香飄逸，份量唔會太大啱啱好， 令我就可以試多幾樣小食。芝麻雞翼雞翼控必食，牛油同芝麻嘅香味未食已經聞到，整隻雞翼相當香脆， 一開始食就停唔到。黑糖珍珠奶茶所有手搖都可以選擇甜度同埋冰嘅份量，我嗌左少甜所以奶茶唔算太甜，但係加埋黑糖珍珠就啱啱好，好好飲。棉花糖朱古力可可加埋彩色嘅棉花糖，打卡一流。