麻辣派對 (瑞生酒店) (Closed)

有層次嘅麻辣川菜尋日同朋去左尖沙咀行街，朋友話想水煮魚，諗起附近有間川菜叫麻辣派對，聽人講唔錯，於是去試下。上到去，裝修好特別以黑色為主。睇返Menu,佢有幾種唔同既湯底，除左麻辣，仲有香口既酸菜同蕃茄， 唔食辣既朋友都唔怕㨂唔到嘢食。我地order咗個大辣水煮魚再另加肥牛，仲有一碟手撕包菜。水煮魚用江屯魚做材料，入口鮮味，辣味未有蓋過魚既鮮味，值得一讚。菜方面亦好新鮮。呢度既辣唔係一般川菜咗死辣，有層次同時食到材料既味道。菜式既份量都唔小，今次唔多人叫唔到太多，下次搵多幾個嗜辣嘅朋友黎試多幾款菜式👍🏼