金葉餐廳酒廊 (Closed)

話說住付近既我一次都未幫襯過佢，見有朋友外國返泥，就諗住試啦，事實上平時見佢個環境真係好正，而且我朋友亦送枝紅酒比我，心諗靚酒加靚環境，實好開心啦，就算要收開瓶費都好合理，點知當日我同我朋友去到果陣，好自然咁問一問果位對眼生頭頂既侍應哥哥開瓶費幾錢，唔問好地地，果位哥哥就用佢果種特別既聲線話（一百八十喎），咁我都打個突，咁我朋友就問佢，咁呢度最平既紅酒幾錢枝？可能我地個樣生得窮呱？又或者我地係行過去，唔係靚車呱？侍應哥哥依然好有性格咁答，都係一百八十！咁我地最後都係選擇.....走！正一狗眼看人低！