Video
Read full review
2021-06-26
63 views
今日收工約左朋友去元朗食飯，佢話係yoho附近開左間西式新餐廳，一於就試食下先！一到餐廳門口就俾佢既簡約文青風吸引左，係度食野都幾chill幾寫意。內在既環境都好好，好舒服野食方面都有好多選擇，每樣都好似好正咁，有選擇困難症既我都唔知點揀好添😂時令生蠔：$38@1本身熱愛食生蠔既我梗係要試下新唔新鮮啦，果然不出我所料，生蠔既海水味依然keep到，加埋檸檬同埋雞尾醬汁鮮甜味就更加突出！青芥末牛油果三文魚籽蟹肉多士：$88聽個名就已經覺得好吸引，所以決定試試佢先！估唔到呢幾樣食材放埋一齊又幾夾喎👍🏼多士烘得岩岩好，夠哂鬆脆！芥末醬配埋牛油果同蟹肉一齊食都好清新爽甜。香煎北海道帶子配香蒜辣味羅勒意粉：$138嘩！一上碟就已經聞到陣陣蒜頭同羅勒既香味，帶子睇落去大大粒，肉質又十分厚實！另外香菇同洋蔥炒香左之後做配菜就更加錦上添花👍🏼至於辣度方面我覺得唔算太高，唔食得辣既朋友都話正啊！澳洲肉眼扒8安士配薯菜燒汁：$158食牛扒我最怕太生同埋太韌，今次叫左5成熟，咬落去果然唔會覺得好韌，而且仲可以鎖住到肉汁，所以每一啖都覺得好juicy。薯條整得好香脆，食落入面仲夠熱添。另外食完牛扒薯條再食埋沙律
一到餐廳門口就俾佢既簡約文青風吸引左，係度食野都幾chill幾寫意。
內在既環境都好好，好舒服
野食方面都有好多選擇，每樣都好似好正咁，有選擇困難症既我都唔知點揀好添😂
時令生蠔：$38@1
本身熱愛食生蠔既我梗係要試下新唔新鮮啦，果然不出我所料，生蠔既海水味依然keep到，加埋檸檬同埋雞尾醬汁鮮甜味就更加突出！
青芥末牛油果三文魚籽蟹肉多士：$88
聽個名就已經覺得好吸引，所以決定試試佢先！估唔到呢幾樣食材放埋一齊又幾夾喎👍🏼多士烘得岩岩好，夠哂鬆脆！芥末醬配埋牛油果同蟹肉一齊食都好清新爽甜。
香煎北海道帶子配香蒜辣味羅勒意粉：$138
嘩！一上碟就已經聞到陣陣蒜頭同羅勒既香味，帶子睇落去大大粒，肉質又十分厚實！另外香菇同洋蔥炒香左之後做配菜就更加錦上添花👍🏼至於辣度方面我覺得唔算太高，唔食得辣既朋友都話正啊！
澳洲肉眼扒8安士配薯菜燒汁：$158
食牛扒我最怕太生同埋太韌，今次叫左5成熟，咬落去果然唔會覺得好韌，而且仲可以鎖住到肉汁，所以每一啖都覺得好juicy。薯條整得好香脆，食落入面仲夠熱添。另外食完牛扒薯條再食埋沙律都唔會覺得好邪惡啦🤣
香蕉朱古力奶昔：$48
我最鐘意食西餐配一杯奶昔架喇，但係又怕杯野太甜飲完會好漏同好滯，不過呢杯奶昔就岩岩好，唔會太甜之餘亦都好夠味，香蕉都有助消化，所以岩哂黎做飯後甜品啦！
Post
