瀛豐放題料理專門店

睇到傳單午市放題可以食三個鐘，價錢又合理，同好小見日式放題加泰菜，所以揀左個星期六去試下。
日式放題我主力都係食刺身，佢地刺身好新鮮，最驚喜係大大隻珍寶赤蝦，好爽甜。
涼菜係自助形式，有我最愛既麻辣魚皮同涼拌海蜇，滿意。
泰菜真係即叫即炒，上枱熱辣辣。
泰式燒元貝大大隻，估唔到放題都食到呢個水準，好有誠意。
我就鐘意鹹蛋黃炒薯條同泰式炒椰菜苗😋朋友話炸雞軟骨好好食，仲食左兩碟，佢話送酒一流。（因為啤酒任飲架～）
雪糕有本地品牌cocoberry,一個字“正”❤️
係甜品略嫌失色～無一樣吸引，味道都好一般。
整體黎講，二百幾蚊又可以食足3個鐘，叫做多野食同多款式揀，下次可以再去💪

泰式燒元貝

涼菜

5