安平燒肉

Open Now

Now Closed

今次我地去到旺角食燒肉吃到飽，通常台灣先會叫放題叫成吃到飽，所以呢間燒肉店係台式燒肉黎，最正係有多款台式飲品任飲😍我地食既係最高級既澳洲M5和牛套餐（$418），19:30離座就（$358），21:00後入座就（$388），我地兩個人就係坐2人枱，枱面有齊紙巾，調味料，裝調味料既碟仲有4枱咁多，可以試曬唔同既醬汁👏🏻自助區主要係蔬菜同飲品，有各種自家製既茶，同罐裝飲品，如果想飲台式手搖飲品可以自己位落單，自己區仲有飯，仲有唔同調味料，可以整到店舖既特色安平蝦拌飯🍚我地既M5和牛餐每位送一客兩件既嚴選口舌芯，一條厚切牛舌，食落夠曬彈牙，如果想再追加就要付費食物度加啦😉牛肉方面我主要介紹我個餐先叫到既肉🥩嚴選裙邊牛柳係一塊厚身重牛味既牛肉，相對冇入口即溶既感覺，佢係啖啖肉既厚切牛柳澳洲M5和牛脂肪分佈比較平均，食落有入口即溶既感覺三角牛肩肉呢個係冇咁多脂肪既簿切牛肉，鐘意少油分既呢塊比較適合安格斯牛小排呢款係脂肪比較多，同埋切得比較細塊既，鐘意偏肥既呢款就最好不過極黑牛肩肉佢會相對比三角牛肩肉好食，脂肪比佢多少少，都係牛味多既一塊除左牛肉，仲有豬，雞，海鮮，台式小食，應有盡有總共104款食