Lucky Food

今晚七点九同两个friend去九龙城「有口福」食饭，一入门口冇人理，见有张空枱就坐低。等咗好耐先有人嚟落单，点知落完单先话我哋冇订位唔可以坐，但又唔安排坐边，之后有个黑面女人hea我哋上二楼，心谂算数照跟。

同侍应确认落单后就开始等，隔篱枱迟过我哋入座，但人哋个酸菜鱼同炒米粉上到成枱都系，我哋？四十分鐘得碟冻冰冰嘅凉菜！连洗餐具嘅热水都冇！朋友落楼问，个女人竟然串爆：「人多唔等得可以走！」最后逼住催先极速上菜，但成餐饭食到一肚火！

隔篱枱阿姨都忍唔住话：「你哋啲菜唔难整啊！」明明疫情前帮衬过唔错，而家变成「冇服务冇态度」，绝对冇下次！大家避雷！