Itacho Sushi

今日男朋友早收工同我食晏，好開心，所以同佢黎咗呢度食，諗住早啲食lunch可以唔駛迫人又可以坐得舒服啲。所以入到去就有靚卡位坐。

我哋叫咗櫻花丼、火炙三文魚壽司、帆立貝壽司、三文魚腩壽司、大吞拿魚腩壽司、火炙鰻魚壽司、鹽燒三文魚鮫。

除咗個午餐櫻花丼係無咁好食之外，其它都算唔錯。係食壽司嘅好地方。個丼始終係碎魚生咁上，令人覺得有欠新鮮。

櫻花丼

$55

值得一提係佢個火炙鰻魚壽司，冇諗到咁大塊，冇魚骨，咁香，咁入口即溶，絕對推介。

火炙鰻魚壽司

$32

至於我嘅另一至愛燒三文魚鮫都好唔錯，2件都好大舊好抵食呢，燒到皮脆肉香，讚！

鹽燒三文魚鮫

$58

不過說實話，我對個大toro係有少少失望嘅，因為唔太大舊，而且唔夠口感，失咗嗰種大toro應有嘅風範。

總括，呢度其實都好唔錯嘅，希望佢嘅水準可以keep住，否則就會似元氣元祿咁被淘汰㗎啦。