The Joomak (Closed)

未黎過，趁同朋友聚會試下新野！四個人食四樣野，每個人夾返都係$170，係尖沙咀都幾算ok! 韓烤牛肉冷麵！最特別係個醬汁，個醬要先倒落啲冰度，然後將麵放入個醬！未試過一定要試！不過份量比較少，四個人分好似每人一啖就食完，叫多過又好似太多。呢個牛油果開心果炸雞最有驚喜！平時都唔食炸嘢，驚熱氣，但係呢個炸雞因為有凍嘅牛油果開心果醬係個面度，所以食落去一啲都唔覺得油膩！青蘋菠蘿羽衣甘藍煎餅，呢個combination聽落怪怪地，不過又出奇幾好食。紫菜卷相對冇咁特別，不過都係好食既！