築地‧山貴水產市場 (Closed)

山貴開左成年，由開頭排哂長龍到而家他他條條貢入去唔使等，都經歷左個好大既起伏。其實入面係分幾區，有海鮮丼，浜燒同立食壽司區，外加龍蝦包嗰d店中店。真正俾人話伏既，通常都係海鮮丼由於呢間野價錢都唔平，海鮮丼都叫最低消費，於是睽違一年過後，我又係去食海鮮丼。好彩既係今次個丼冇咁伏，始終丼好冇食，九成睇材料新鮮度，今次既拖羅蓉尚算鮮美，不過太冰凍，應該解凍冇耐，魚生部分係夠份量既，亦都正常好食。不過飯量都係偏少，始終俾百幾銀食唔飽好濕滯，之但係有改善已經好好，下次可以去立食同浜燒區一試，應該更好。