灣仔冰室 (Closed)

同朋友行灣仔，朋友見個名覺得黎到灣仔試下啦，覺得吾差得去邊，我地就入座喇。我點左鹹蛋肉餅飯，一黎到首先見到咁大份既，我好鐘意食呢個飯，首先見到份量咁大已經即刻加分啦，起碼一定食得飽先啦，食落覺得係失色左啲既，係就係大份但味道好普通，亦咸左啲，不過我都食哂，又吾係差到食吾到，係較普通，不過值得讚既除左係大份之外，廚師亦好有心機整靚個賣相，睇落賣相係有，又要加分俾餐廳，食物有賣相睇落會有胃口啲嘛，增加食慾，所以加分。然後講下座位， 朋友同我都覺得座位較狹窄， 整闊落鬆動啲就好， 環境唔嘈傾計方便， 而餐廳作為冰室都有啲佈置。位置離地鐵站都有一段路程， 但唔算遠。服務員態度就好好， 又係值得加分， 上菜好快， 埋單又快，好快手，但快手得黎感覺吾到佢地既催促急趕。整體而言係唔差， 雖然食物味道較普通， 但睇得出有用心去做， 各位黎到既可以試下呀！