Video
Read full review
2004-12-08
38 views
昨晚土瓜灣發生集體燒炭事件, 八名中國籍男女子以兩個炭爐作為武器, 用火鍋及炭燒之手法行兇, 大開殺戒. 受害者眾多, 包括:咸菜魔鬼魚湯底-- 魚不多, 但愈滾魚味愈出, 最後用黎淥菜, 正! 試左舊魔鬼魚, 都好好食.芫茜皮蛋湯底鱘龍魚片x 3 -- 有d似脆玉鯇, 但更爽口.鱔圈-- 我無食, 但好似幾受歡迎.墨魚-- 可以揀刺身或者火鍋用, 我地揀後者.帶子(每人一隻) -- 肥美肉厚.九孔鮑魚(一打) -- 燒果陣仲識郁架, 有狂徒仲將行兇過程拍左movie, 真係喪心病狂呀~~蜆-- 鮮甜, 燒果陣爆殼標水.......蠔x 2 -- 又係非常肥美, 無腥味無異味.五花腩x 2 -- 刨成圓圓地既薄片, 肉味幾濃.鹿肉x 2 -- 無食, 據報肉味更濃, 但比較「鞋」.豬橫-- 坊間少見, 我鍾意!羊肉片x 2 -- 無食, 但有encore都應該係好野.豬天梯-- 無食, 據報韌多過爽.野生竹笙x 2 -- 係咪真係野生就唔知, 但同一般食開果d的確唔同, 呢度既無鹼水味, 同埋比較滑. 推介!手切牛肉-- 賣相好得, 但入口無牛味, 失望.肥牛片-- 反而呢個牛味明
咸菜魔鬼魚湯底-- 魚不多, 但愈滾魚味愈出, 最後用黎淥菜, 正! 試左舊魔鬼魚, 都好好食.
芫茜皮蛋湯底
鱘龍魚片x 3 -- 有d似脆玉鯇, 但更爽口.
鱔圈-- 我無食, 但好似幾受歡迎.
墨魚-- 可以揀刺身或者火鍋用, 我地揀後者.
帶子(每人一隻) -- 肥美肉厚.
九孔鮑魚(一打) -- 燒果陣仲識郁架, 有狂徒仲將行兇過程拍左movie, 真係喪心病狂呀~~
蜆-- 鮮甜, 燒果陣爆殼標水.......
蠔x 2 -- 又係非常肥美, 無腥味無異味.
五花腩x 2 -- 刨成圓圓地既薄片, 肉味幾濃.
鹿肉x 2 -- 無食, 據報肉味更濃, 但比較「鞋」.
豬橫-- 坊間少見, 我鍾意!
羊肉片x 2 -- 無食, 但有encore都應該係好野.
豬天梯-- 無食, 據報韌多過爽.
野生竹笙x 2 -- 係咪真係野生就唔知, 但同一般食開果d的確唔同, 呢度既無鹼水味, 同埋比較滑. 推介!
手切牛肉-- 賣相好得, 但入口無牛味, 失望.
肥牛片-- 反而呢個牛味明顯好多, 脂肪分佈算均勻, 唔會過肥, 唔錯唔錯~~
魚腸x 2 -- 原本叫左一碟, 後來黎多左碟, 我地要埋. 見到個樣真係唔多想食, 不過呢味係我叫既, 頂硬上食左一抽. 魚肝部分好正, 但其餘既部分基本上係一大團肥油, 真係不堪回首...... 好似係全場唯一食剩既野.
魚卜-- 原本無叫, 自己送上門, 梗係有殺錯無放過啦. 我又無食, 見其他人又淥又燒咁, 好似幾和味.
鵝腸-- 無食, 見好多油膏, 應該都得掛?
雞腎-- 用黎炭燒夠香口.
西洋菜
唐"O"菜
尚有啤酒汽水酸梅湯等不計其數, 傷亡慘重. 兇徒得手後往同區甜品店之方向逃去, 至今下落未明......
Post