Video
Read full review
2023-06-13
53 views
估唔到旺角樓上竟然有間咁型格又chill嘅酒吧餐廳，環境幾靚好有格調，播埋啲英文歌好有feel添。食物整體質素高，所有野都好足料又好食。Pavo $58 (HH) 👍🏻杯面鋪滿朱古力粉，令成隻杯好似絨面咁造型可愛，不過要小心揸杯唔好掂到呀。香濃嘅朱古力味外，仲有甜甜嘅綿花糖味同cream香！飲落直情有雪糕嘅味道感覺，唔係死甜，超適合嗜甜人士！J.moon $118 (HH) 👍🏻外形已經夠哂搶鏡，月球狀嘅泡泡波好 match餐廳主題！泡泡爆破後係一陣煙燻香氣，飲落係好fresh好清新嘅橙味！酒底係vodka，配接骨木花、橙、蜂蜜、薑汁等，再用備長炭落色，唔會太濃太嗆，女仔都啱飲！Sharing Snack Platter $128 👍🏻一個小食盤有薯條、炸蠔、泰式蝦餅、雞翼，滿足所有慾望，超啱一班人一齊食，送酒一流！全部小食都係新鮮炸出黎好好食！薯條本身已經有微辣嘅調味粉，仲可以再點茄汁或黑松露醬，超惹味！炸蠔勁香蠔味！蝦餅都香蝦味。雞翼係單骨嘅，超貼心！J.moon All Day Breakfast $118 👍🏻個蛋好滑好香呀！酸種包都好鬆軟，將蛋同三文魚擺埋上包一齊食，超正！腸
Pavo $58 (HH) 👍🏻
杯面鋪滿朱古力粉，令成隻杯好似絨面咁造型可愛，不過要小心揸杯唔好掂到呀。香濃嘅朱古力味外，仲有甜甜嘅綿花糖味同cream香！飲落直情有雪糕嘅味道感覺，唔係死甜，超適合嗜甜人士！
J.moon $118 (HH) 👍🏻
外形已經夠哂搶鏡，月球狀嘅泡泡波好 match餐廳主題！泡泡爆破後係一陣煙燻香氣，飲落係好fresh好清新嘅橙味！酒底係vodka，配接骨木花、橙、蜂蜜、薑汁等，再用備長炭落色，唔會太濃太嗆，女仔都啱飲！
Sharing Snack Platter $128 👍🏻
一個小食盤有薯條、炸蠔、泰式蝦餅、雞翼，滿足所有慾望，超啱一班人一齊食，送酒一流！全部小食都係新鮮炸出黎好好食！薯條本身已經有微辣嘅調味粉，仲可以再點茄汁或黑松露醬，超惹味！炸蠔勁香蠔味！蝦餅都香蝦味。雞翼係單骨嘅，超貼心！
J.moon All Day Breakfast $118 👍🏻
個蛋好滑好香呀！酸種包都好鬆軟，將蛋同三文魚擺埋上包一齊食，超正！腸仔係偏酸嘅味道，但又幾香口喎！雜菇都炒得好香好有咬口，加埋好fresh黑醋汁沙律，好味又不失營養！
J.moon Pizza $148 👍🏻
Pizza料好足，仲有隻溫泉蛋係中間超邪惡！當中有香蜜桃，咸點中帶一點甜， 去膩之餘令味道層次感豐富都幾正！
Post
