📍會跳舞的烤鴨
最特別的，就當然是有爆炸糖同藍莓醬，最特別就係山楂條，呢啲都係出邊冇得食㗎！
片皮鴨分咗三種，分別係鴨油、鴨皮同鴨胸肉
首先，鴨油係齋點藍莓醬同埋爆炸糖，就咁食落去已經好新鮮嘅配搭，包你出邊未試過
而鴨皮呢，就可以配上薄皮食，加上山楂條同藍莓醬，再點黃芥茉，係非常新鮮的食法！
至於鴨胸肉就可以用傳統嘅食法，係配上京蔥、紫洋蔥、青瓜條，再加上傳統嘅片皮鴨醬，一流！
呢度仲會有個加熱包，烘熱啲皮，等你一路食，都會食到熱辣辣嘅皮，唔會攤凍咗！
📍干燒伊麵
味道剛好，色香味俱全，又唔會太乾身
📍黑松露蛋白羹
質地比較杰身，賣相唔多討好，但係食落就好香
📍楊枝甘露
呢個甜品好出色，非常足料！唔太酸唔太甜，推介！
