一坐低已經送上一盤海鮮拼盤及一條烏頭魚。所有海鮮都好鮮甜好好食，連出面自己攞嘅燒烤肉類都好好食！至於主角泰國大頭蝦亦都十分新鮮，肉質爽脆，每隻蝦頭都有膏。
甜品方面只有雪糕，但味道有好多選擇，包括港式奶茶、玄米茶、榴槤、焦糖、沖繩海鹽及其它基本味道！
所有食物都好食好滿意，而且就算夠鐘都唔會有人埋嚟趕你走。可惜都有些少不足之處，位置比較偏僻，要揸車入黎，不過有免費泊車，而且服務方面可以再殷勤少少，基本上無咩人服侍，連係爐邊加水都要自己嚟。好彩呢期餐廳有promote免收加一，如果唔係要加一就有少少唔太值嘅感覺😅
1
