台灣麵 (Closed)

今晚突然想食牛肉麵，朋友就提議我地去食台灣麵，去到環境都幾舒服，因為我地好早去到就好快有位可以坐了。都有幾多食物可以揀，我就揀左個台灣牛肉麵，黎到好大碗，湯既顏色好深味道好濃，然後上面牛肉好大件，而且重要有筋，牛肉一咬就斷，好林好入味。而朋友就叫左碗秘制醉雞麵，麵同雞分開上，朋友話夾起就聞到酒味，好濃味，鍾意食醉雞一定要浸多d湯汁，我都食左件，好香好濃酒味。另外叫左份紅油抄手，唔會話好辣岩岩好。另外朋友話我牛肉麵d肉好好味，所以就另外叫多份滷水牛展，真係啖啖肉而且好夠味。飲品我朋友好鍾意飲黑糖牛奶，所以佢叫左杯黑魔（黑糖牛乳奶蓋）而我就叫左杯藍梅巨峰烏龍茶，兩杯都唔會太甜。