正點心 (Closed)

今日同朋友約係美孚食番個早餐。想食點心又唔想去酒樓，所以就搵咗呢間「正點心」，間鋪睇落無咁忙，嘢食應該會快d到。內有乾坤鮑魚燒賣，無錯！呢個係佢既菜名😎燒賣好大隻，比平時既大1/4左右，裏面隻鮑魚仔幾好食，彈牙。山竹陳皮牛肉球好有肉味，新鮮，足料，完全唔需要點喼汁都已經好好食，推薦！蔥花炸两腸粉既炸兩係脆咖🥰，對炸两腸粉從來唔敢奢望會係脆咖，所以好驚喜。