.
筒子清一色：筒子清一色個名好得意，其實係有爽爆墨魚丸、彈牙貢丸嘅麻辣小鍋米線🍜米線面上舖好多辣椒乾，個人好鍾意呢個麻辣湯底，味道香濃又麻又辣食到唔想停🤤墨魚丸同貢丸都好出色好彈牙👍🏻
.
三餸套餐：瑞士滑雞翼+黑松露雞肉水餃+香煎午餐肉配米粉
特別推介黑松露雞肉水餃，冇諗過食車仔麵呢d平民食物都會有黑松露呢d高級食材🤩仲要黑松露味好香，絕對係皮薄餡靚！配埋瑞士滑雞翼同煎得香脆嘅午餐肉真係好滿足😋米粉份量好大，叫左少麵都食唔晒🙈
.
咖喱魚蛋豬皮雙拼：竟然係我最愛嘅陳皮魚蛋啊😍！一向好鍾意陳皮魚蛋嘅質感同獨有嘅甘香味，不過坊間比較少見，估唔到呢度有，仲要加埋香濃咖喱汁好入味。豬皮好鬆化仲要索滿晒咖喱汁好正😋
.
呢度樣樣野都好好食，性價比好高，食完就真係覺得自己揀得啱🤪
.
《揀得啱車仔麵Good Pick Noodles》
📍上環皇后大道中181號新紀元廣場低座2樓205號舖
