靚煲皇 (Closed)

以為靚煲皇淨係打邊爐咁你就錯喇， 之前試過佢嘅打邊爐絕對一流 ，估唔到小菜都完全冇失望 。前菜我哋叫咗黃金炸大腸，凍食滷水拼盤， 雖然比較少食內臟，但係拼盤入面嘅雞腎真係好好食，好爽口 ，簡直一試愛上 。主菜係帝皇龍躉扣 ，呢個真係必叫， 因為個龍躉扣好厚身，食落去煙煙韌韌， 感覺啖啖骨膠原 ， 啱曬女性朋友食 。仲有好多菇 ，成個餸炆得好入味 。招牌小炒王又係要激讚， 佢嘅韭菜花好新鮮好爽口 ，完全食唔到有渣。咕嚕肉又好好味 ，出面炸到好脆入面好嫩滑， 個汁又啱啱好唔會太酸太甜。 花膠粟米羹入面勁多花膠， 好足料，淨係飲過花膠湯都飽咗。