老厝邊 (Closed)

成日見網上介紹呢間大角咀既台灣餐廳，終於有機會去試下。餐廳一路播住台灣歌手張惠妹，楊丞琳，周杰倫等既歌，加埋環境，都幾舒服。講番野食，唔知係咪期望過高，食完有d 失望。超濃芋泥蛋餅$38可能夾住蛋同餅既關係，芋頭味唔係好突出。反而淨係食芋泥時先有d 芋香。眷村紅燒牛筋牛肉麵$70牛筋同牛肉份量夠，重牛味，湯底算濃。但羅白同湯底都唔係好熱。燙青菜$22一般既淥生菜經典珍珠奶茶$24呢杯珍奶真係超級甜，所以淨係飲到甜味。其實餐廳服務，環境都好好，係無得去台灣既日子，都可以一試。