La Rotisserie (利園一期) (Closed)

一直想試呢間主打傳統法式烤肉 「La Rotisserie」。據我所知呢間連鎖店以做外賣為主，我屋企附近嗰間分店只有幾個個座位，又唔想買外賣返屋企食，所以一直都冇試到。直至最近銅鑼灣店開咗，係La Rotisserie目前最大間嘅分店，座位有大約30個，我終於有機會坐低食佢哋嘅名菜法式烤雞喇。銅鑼灣分店營業時間亦都比其他分店長，亦係第一間提供早餐的分店呢。餐廳選用直接從法國🇫🇷採購嘅原材料，加上店舖嘅秘製烹調方法，務求令食客可享用真正嘅法國佳餚。深受食客歡迎嘅「經典一人套餐」，用來做法式烤肉嘅家禽係選用法國A級雞同埋法國獨有嘅巴巴拉鴨，選用材料方面真係好講究。套餐包括1/4法式烤雞或烤鴨+ 單份時日熱菜或沙津+自家製餐湯或茶，咁嘅組合價錢一啲都唔貴，$100內就可以享受法國美食。銅鑼灣分店設有沙律吧，更因慶祝新店開張而推出三款新口味：「藜麥豌豆沙律]、「菜絲沙律」、「粟米牛油果沙律]。去開銅鑼灣分店嘅朋友不妨試吓。前菜主菜做得出色，甜品亦一樣！自家製朱古力蛋糕，配法國海鹽味道唔會太甜之餘仲有少少鹹味。