夢工房西日料理 (Closed)

幫襯西日夢工房已經好多年，由最初走日式西餐廳路線到而家走美國風嘅日式放題。雖然裝修設計風格變咗，但食品質素始終如一！相比以前嘅西日夢工房，午市套餐已經改為放題。午市放題有兩款 - 壽司放題 $88，全餐放題 $148 …… 咁當然揀全餐啦！因為多嘢食好多㗎！同一般嘅放題一樣，有前菜、炸物、天婦羅、燒物、鍋物、壽司、刺身、拉麵、甜品、飲品。其實間間都交唔多，只係質素差異。先講飲品 - 竟然有日本嘅草莓牛奶，平日去日本超市賣$10/包，今日竟然任飲，抵！酒精飲品有日本罐裝水果酒，啤酒，睇得出响飲品方面比坊間用心食品方面，刺身新鮮爽口，炸物熱辣辣脆卜卜，蜆湯鮮甜味美，壽司即叫即做，一件一小口，可以試多幾件都得。麻辣豬腸好惹味，如果再辣少少就更完美喇！如果以上所有嘢都唔啱食，仲有火鍋配料俾你打邊爐。一班人各取所需，你有你放題，我有我火鍋！甜品方面，有芝士蛋糕、啫喱、豆腐花、韓國/日本雪條，義大利雪糕球，最估唔到放題竟然有即叫即做雪花冰！雪花冰入口即溶，甜度適中 $148（+10%）有齊咁多選擇，西日夢工房係我真心推介！