杏花‧火鍋‧甜品 (Closed)

好多年前在佐敦杏花樓，食過他們的西米皮湯圓後，實在著迷了，因西米皮十分煙韌，好美味。自從佐敦店搬遷後，就無再食了。昨日路經觀塘，見到有杏花樓，忍不住入去挽回幾乎遺忘的口感！杏花樓由一間主食菜飯，糖水的店舖，現已轉變成一間匯合湯水、火鍋、百搭麵於一身的店舖了。店內環境，地方寬敞，十分整潔；服務員都十分有禮貌。老公叫了鮮奶杏仁露；我就叫了最想回味的西米皮湯圓，仲揀了鴛鴦味添！鮮奶杏仁露質感十分幼滑，有奶味及杏仁味。西米皮湯圓一碗有6粒，麻蓉、芋蓉各3粒。果然係西米皮，勁好咬口，湯圓餡亦十分足料；最後要讚十分強味的羌汁，食完馬上感到温暖。