Video
Read full review
2021-02-18
202 views
已經好耐冇得去旅行，超級掛住台灣嘅味道！知道呢間牛大人嚟咗香港咁耐每日都仲好多人排長龍，就一直放咗喺bucket list。今日約咗朋友喺荃灣行街，見時間尚早，可以試試。我地11:45左右到，距離開門仲有15分鐘，喺餐廳門口已經打哂蛇餅！好誇張！我地問職員仲可唔可以排，佢好友善話餐廳仲有位嘅，叫我地照排，好快就會放人入場。結果真係一夠鐘就放行，而且裡面地方好大，我地都順利入座。咁難得嚟到，當然揀咗個最多選擇嘅$198「極上和牛吃到飽」餐。除咗有各式靚牛肉，仲有滷牛筋、蟹籽墨汁漿、干貝鮮魚漿，真係可以「吃到飽」！一入場見到醬料區同自助嘅台灣食品區已經好興奮，選擇又豐富又新鮮，即刻覺得好似去咗台灣咁，係咁夾嘢食返埋位。而飲品方面，除咗提供好多台灣直送嘅飲品之外，我最最喜歡就係牛大人自家製一系列嘅果茶，我特別鍾意桂花烏龍茶，一飲就知係上盛嘅茶葉，好香好濃郁嘅花香，我飲咗兩支！湯底方面，選擇真係好多，我地今日試咗阿嬤養生濃湯鍋，不過比較淡。啲肉類都好新鮮，但我比較鍾意佢啲小食。呢啲台式小食全部都新鮮熱辣，係正宗台灣嘅味道！我個人最推薦鹽酥雞，真係好香酥脆！最後要提提大家，一定要留肚食呢個甜品，
我地11:45左右到，距離開門仲有15分鐘，喺餐廳門口已經打哂蛇餅！好誇張！我地問職員仲可唔可以排，佢好友善話餐廳仲有位嘅，叫我地照排，好快就會放人入場。結果真係一夠鐘就放行，而且裡面地方好大，我地都順利入座。
咁難得嚟到，當然揀咗個最多選擇嘅$198「極上和牛吃到飽」餐。除咗有各式靚牛肉，仲有滷牛筋、蟹籽墨汁漿、干貝鮮魚漿，真係可以「吃到飽」！
一入場見到醬料區同自助嘅台灣食品區已經好興奮，選擇又豐富又新鮮，即刻覺得好似去咗台灣咁，係咁夾嘢食返埋位。
而飲品方面，除咗提供好多台灣直送嘅飲品之外，我最最喜歡就係牛大人自家製一系列嘅果茶，我特別鍾意桂花烏龍茶，一飲就知係上盛嘅茶葉，好香好濃郁嘅花香，我飲咗兩支！
湯底方面，選擇真係好多，我地今日試咗阿嬤養生濃湯鍋，不過比較淡。
啲肉類都好新鮮，但我比較鍾意佢啲小食。
呢啲台式小食全部都新鮮熱辣，係正宗台灣嘅味道！我個人最推薦鹽酥雞，真係好香酥脆！
最後要提提大家，一定要留肚食呢個甜品，係台式仙草，喺食咗咁多嘢之後，嚟一碗仙草，即刻有解膩嘅效果。
我同朋友已經約好下次要再嚟吃到飽！
Post
