馬祖台灣養生湯麵館 (留仙街) (Closed)

天氣凍，又係養生既時候啦😏每次想食得健康又糧尾既時候就會諗起呢間馬祖❤️ 專門食農場雞同牛肉，另外又主打藥膳養生做湯底😋.今日係天后兜左半個鐘都無位泊車🙄唯有叫外賣算，外賣自取而家有9折，黎到既時候岩岩5點幾仲有下午茶，下午茶Menu都幾抵食，平均$3x有餐包飲品。.🍴椰子雞湯農場雞米線$58一直都好中意呢間既椰子雞湯，岩晒女性要黎滋潤補虛，個湯底好濃同埋好香椰子味，雞肉就軟腍腍，加埋個米線食落個人好亂苙苙。.🍴田園蕃茄牛肉手工拉麵$70 呢度蕃茄湯都好正，夠晒濃郁之餘個湯底係有粒粒蕃茄，另外紅蘿蔔味都好重，所以湯底夠晒甜👍🏻+2可以轉手工拉麵，個人比較喜歡手工拉麵，比較煙韌同滑身，唔會咁易斷開，必點之選。.🍴台式鍋燒牛肉飯$32 下午茶）下午茶時段見到呢個牛肉飯幾抵食咁，食落先知道原來係牛肉片加左燒汁煮成，個汁麵夠香濃，唯獨係汁就少左D🙈不過牛肉量搭夠🙌🏻$32包埋飲品算好抵食。.下午茶時段叫主餐牌同下午茶都包飲品，所以送左3杯飲品就叫左無糖茉莉花茶、熱奶茶 同愛文芒果汁，唔建議大家擇芒果汁😰個人覺得太甜🤣其他飲品都不過不失。平平地又一餐養生餐。