November (大明里) (Closed)

士多啤梨莓莓奶蓋 $40🍓🍓酸酸甜甜好清鮮，飲到啖啖士多啤梨籽，真材實料，上面鋪上厚厚奶蓋，一啖飲到奶香同士多啤梨香，忍唔住飲完一啖又一啖，真係好邪惡呀，天時暑熱飲番杯凍飲，真係透心涼。黑糖珍珠香蕉鮮奶 $38🍌🍫香甜的香蕉同濃郁的朱古力，一向都係最佳拍檔，香蕉味好突出，好足料飲一杯好飽肚，黑糖同鮮奶琥珀色，幾啱打卡影相。睇住店員用新鮮水果打果汁，我最怕飲水果味糖漿溝出黎，睇相好多款都好吸引，經過再試下其餘的士多啤梨系列。