每次嚟飲茶🥢，我哋都會叫壺壽眉茶🫖。茶味清香，唔搶味，啱晒配點心。爸爸以前最鍾意慢慢嘆住茶，等點心車推過嚟，揀返幾款心水之選。而家佢唔喺度，我哋每次去飲茶，仍然照舊叫壽眉，好似用呢盞茶，同佢隔空乾杯🕊️。
9月10號嗰日，我同兩位好友特登嚟飲最後一次茶，向名都致敬say goodbye👋 茶樓人山人海，點心車喺茶客之間穿梭，氣氛熱烈又充滿懷舊味。點心依舊出色🥟，甜品繽紛如昔🍧。仲要俾我哋遇到一位非常盡責嘅當值經理，真係謹守崗位到最後！
金鐘名都酒家係一個時代嘅縮影，一個家庭嘅記憶盒🎁 多謝你哋陪伴咗我哋香港人35年，願你哋嘅味道，繼續喺我哋心入面流傳✨ 希望你哋日後會搵到另外一個舖位，重開名都！
