係最差，沒有之一。
今晚同爸爸慶生，一家三口，
佢哋星期一、二做main dish buy one get one free，好似幾唔錯。
我哋叫咗一個Pepperoni’s Special pizza、
一份西冷牛扒、
一個海鮮Risotto、
一個Caesar Salad、
三杯Hooegarden啤酒。
最後食淨三片Pizza、半份沙律，
唔想浪費食物想打包攞走。
真心先禮貌地問可唔可以要個盒拎走，
佢哋話唔俾，除非pay full。
其實都Okay geh，
正當我考慮緊pay full定食埋佢之際，
佢哋就一人一句「教訓」我哋喇。
一位中年男士、一位中年女仕
同一位印度籍男士三個侍應（定唔知經理定老闆啦），鬧我哋食唔哂唔應該叫咁多嘢食。態度之惡劣係我生平從未遇過，
作為服務性行業，
點解可以選擇怪責同鬧番個客？
我唔理解。
佢哋話係公司Policy，
我完全明白。
其實一句唔好意思，我都奈你公司唔何。
奈何佢哋選擇放聲大叫、粗言穢語，
同我鬥大聲，我就唔能夠理解喇，
我當然好難選擇on居地繼續好言相向啦。
佢哋冇嘗試從客人嘅角度出發，
嘗試幫助解決問題或稍微道歉，
反而逐個逐個數落啲客對餐廳有咩好處？
由於我哋坐近吧位，
全晚媽媽話聽到佢哋唔少次話啲客cheap，
冇諗過我只係嘗試禮貌地問，
會換嚟咁差嘅情況。
佢哋分別講過嘅說話有：「冇錢咪唔好嚟食」、「Shut up」（係陰毒地行過連續講幾次）、「cheap精食咩buy one get one free」等等。
如果閣下都想貼錢買難受，不妨一試。
如果想安安樂樂食一餐，
我絕對唔建議大家去呢一間餐廳，
因為裡面充斥住價值觀有問題、態度非常惡劣的餐廳職員。
佢哋冇心想serve你（淨係今晚，我都唔係唯一一檯），
只想你「俾多啲錢唔俾就過主啦我哋係咁㗎喇吹咩」。
客觀地食物質素分析
（雖然你一定唔信我客觀😅🙈），
屬於中下，Medium牛扒過熟、Risotto太咸、Pizza真係難食嘅（所以點努力食都淨番三片😖😭）。以此質素、服務和價錢，
選擇真的很多，性價比實在極低。
白沙灣間西餐廳好幾倍，環境氣氛服務態度食物質素都非常高質，或者退而選擇蘇珊娜，
入西貢點都唔好揀呢間四不像「西餐廳」。
反正，我呢世都冇可能再去。
祝佢好運。
7
