<Pigsman> 裝修設計參考007電影《皇家特工》中嘅西裝店😮 睇得出店主花咗唔少心機去佈置特務主題🥸
由豬仔做主角嘅畫作，係餐廳中嘅彩蛋😛
餐牌亦以解鎖任務為主題元素🤪 咁要試試食物係咪好似secret agent missions 咁引人入勝喇😤 一行二人決定 order 一個 Mission C 豬榴彈套餐、再散叫招牌威士忌 BBQ 豬扒飯、金手指同可樂🍟🍔🥓🥤🍽️
豬榴彈（雙層手打豬柳芝士漢堡）(Mission C 套餐 $92)
第一啖咬落個burger，牛油香味十分澎湃，令身為牛油怪嘅我非常驚喜🥰 然後豬肉漢堡扒同芝士嘅濃香一齊攻陷味蕾，SOOOO JUICCYYYY💥 加埋蕃茄同生菜，令個burger 可口不膩，兼營養豐富呢😎 試過 <Pigsman> 「豬榴彈」，就知美味漢堡唔係牛肉嘅專利，豬肉漢堡一樣好食到飛天💘
手打豬肉丸配梅子醬 (Mission C 套餐)
豬肉丸味道天然香甜😱 味濃多汁🤤 新鮮度同味道層次完全唔可以同普通冰鮮豬肉丸相提並論🤭 揀咗配上酸酸甜甜嘅梅子醬汁 ，完全同豬肉丸係天作之合，令人越食越過癮😆 仔細觀察同品嚐豬肉丸，更會體會到廚師嘅用心👨🏻🍳 豬肉丸唔只淨豬肉㗎，中間摻入新鮮香草同洋蔥，給食客來個齒頰留香😁
招牌威士忌 BBQ 豬扒飯 ($63)（加配太陽蛋）($10)
豬扒飯嫩滑又鮮美嘅豬扒，繼續 feature 手打豬肉丸嘅鮮豬肉甜味😋 招牌威士忌 BBQ 為成個飯 set 咗惹味嘅主調，配上脂肪 vs 肉比例啱啱好嘅靚豬扒、太陽蛋同粒粒分明既米飯，夠晒精緻，啖啖滋味🥳 大愛❤️
金手指（豬扒薯條）($38)
食快餐，不可不食薯條🍟啦🤠 <Pigsman> 獨有嘅「金手指」豬扒薯條絕對不容錯過✨ 一上菜，金手指望落好似桃哈多，食落口，係無比鬆化嘅豬扒😍 熱辣辣香脆嘅金手指配搭威士忌 BBQ 醬食，風味獨特誘人，金手指嘅誘惑一定令到最優秀嘅特務都把持不住要大快朵頤🤭 哈哈~
要煮出美味既豬肉，一黎烹調技巧要高超，二要配合高質豬肉，<Pigsman> 絕對係實至名歸嘅豬料理專家👑 作為食客，星期一至日都有得午晚市嚟堂食或者外賣豬料理，真有口福☺️🎩🙌
📌Pigsman
📍上環蘇杭街93號東利商業大廈地下2號舖
