店鋪採用日式居酒屋格局，每次嚟都好熱鬧，十分旺場，整間餐廳都充滿燒烤香氣，要即刻嗌返杯嘢飲 warm up。
叫得做鳥居，佢最出名真係雞！當中鹿兒島赤雞串燒是主打，我最鐘意點自家製雞肉棒。雞肉嫩甜，加上爽脆的雞軟骨，口感變化多。
至於明太子雞翼也是必食，燒雞翼的外皮香酥可口，加上鹹香惹味的明太子，整體味道濃郁，實在無法抗拒！
而且一些雞的刁鑽部位如雞腳筋、雞頸都有，燒雞皮更是超香脆，佐酒一流！
有傳統嘅燒雞串外，仲有西班牙黑毛豬。豬肉嘅質感非常細緻、軟嫩多汁，少少油潤，一口接一口咁KO咗碟豬。
