大家樂 (Closed)

係機場作為一個乘客,唔想食貴野,都係首選大家樂(因為一視同仁,無職員價),而且24小時營業(另一間係味千拉麵)除了午夜時份人流較少之外,整日人山人海,幸好員工手快腳快,一般十分鐘左右已經有得食.除燒味外,海南雞飯亦是一個抵食的選擇(唔係好食),例湯,油菜(多數係娃娃菜,亦可改為生菜),雞油飯,毫無誠意之作,雞油味輕清近乎無,相比另一剛結業的蕉業咖哩屋就好得多)清茶(茶包貨色無期望),筆者非常同意另一食友所言,此店在機場以唔環保可說是首選,小弟就以海南雞飯餐作過統計(以發泡膠及膠餐具算):托盤餐紙,清茶紙杯(可以不算)連膠蓋(百樂潮州用膠杯,膠碗,膠碟,味千亦如是),發泡膠碟(盛油雞),發泡膠兜連蓋x2(盛油菜及例湯),膠匙,醬汁膠樽x2(蔥油及甜酸汁),每次進餐後望到滿盆都是發泡膠垃圾,心中都有點不忍,所以近日已大幅減少係度食飯.