分享一下個經歷，可以再選擇幫唔幫襯呢間cafe。🥲
當日同兩個朋友午餐後想附近搵間cafe坐下食甜品傾計。就去左附近搵一間，原本係選擇左同一棟嘅高層啲嘅cafe，但咁啱滿左所以我就揀左同一棟下層嘅去睇下。
咁我都明白有啲餐廳係會定左minimum charge，因為我地都好飽未必會叫到成個套餐所以就問一下企定定左係門口位嘅waitress。原本三個waitress都無話主動問幾多位，咁我就問一問confirm餐牌上嘅甜品選擇同min. Charge嘅問題。
“然我個waitress其實係話無指明係有，但就最好叫少少”
咁我地三個聽到就話ok，因為我地都知我地會點少少甜品。
然後唯一一個應我地嘅waitress就帶我地三人入座，當日下午約三點，店內有兩枱客人。
我地三個就揀左兩個甜品，未叫飲品之下叫左一個waiter提供兩杯暖水
然後我就開始望到全店嘅同事不停交頭接耳
我開頭都無為意係咩事，點知在門口接待我地個女仔就走近同我地講（好嬲嘅態度）
小姐，我係門口明明話左要每人叫一杯飲品同食物。
我地就表達我地三個同時聽完都接收唔到佢所想表達嘅信息
而係餐牌都完全見唔到相關字眼。
我地無選擇因為店員嘅不清楚解說而多點食物
然後店員就一直企係我地視線範圍指手劃腳，我地望見嘅時候都幾尷尬。
最後店員走過嚟向我地講，如果大家唔滿意就請我地走🙃真係經典🥲🙃
好老實講，一心想坐半小時食個甜品就走。如果有最低消費大可以寫清楚同講清楚。並非在店內比面色説話同壓力客人。真係有最低消費我地知道都一定會點到足夠份量。
我知道並非客人一定係啱曬，但我相信呢啲係好基本禮貌。我地都入座前問左先入去，怕大家有誤會。估唔到個情況會咁。
雖然唔知有無人會睇呢篇都幾亂嘅去店後感。但我都覺得有責任分享下。
我可以話我從來未去過一間餐廳嘅全部店員都係咁，大家到外食飯都唔會想比人鬧比人趕。
我唔知其他人有無遇過同一個情況，但好老實講我係唔會再去幫襯同感到前所未有咁不滿
我都幾經常性外出食飯，不同類型不同價錢都會去下。但都未遇過咁過份嘅態度。
可能有人會話可能係我有問題？anyway,我會照share，以免有人中伏。
Sorry，我只有影呢兩張相。無機會試到食物質素，但我相信無機會會再去試🙂
