度小月 (海運大廈) (Closed)

午餐食沙律，五點下午餐，但坐底咗才知道最低消費$60，本來打算食個祖傳肉燥飯($28)就走，唯有點多個山藥排骨湯($38)。肉燥飯：細細碗，台灣好興。飯似乎係台灣珍珠米，硬硬爽爽，但唔夠熱。肉燥味道同度小月罐裝肉燥一模一樣，但肥膏較少，汁唔太油，應該有特別撇開，肉燥同飯嘅比例好舒服，所以無太鹹或無味嘅感覺。山藥排骨湯：超熱，要小心！湯底有少少杞子同薑味，普普通通，不過山藥煲林哂，排骨竟然係豬軟骨，可以成舊食。整體一搬好味，無名氣搬咁好味。