Video
Read full review
2024-04-30
2818 views
話說，是晚放工無約人食飯，諗住自己求其簡單食，竟然俾我搵到一間聽都冇聽過嘅成都米線店，竟然喺香港開咗第一間店。宣傳話係成都嘅米線天花板，全國有800間分店，孤陋寡聞嘅我，真係聽都冇聽過。正好補償尋晚諗住食川品但食唔到嘅不快，今晚就俾我搵到間咁嘅嘢。佢有多種唔同嘅湯底，泡椒米線係首選，唔使諗就試呢個，店員問我食唔食得辣，唔知佢咩料，選咗中辣試試。店員推介豬腰同蝦滑，喺潮州同台南食過好好食嘅豬腰情況底下，呢個確實都幾出色，至少我好肯定佢唔係溫體即做嘅新鮮，蝦滑冇佢哋嘅推介咁誇張，可能香港人食得太多好食嘅滑，呢個係可以但係唔係一試難忘嘅質素。佢哋嘅米線唔似平時你喺香港食嗰種，佢係比較厚身少少嘅米粉感覺，掛湯一流，如果湯入面有好多海帶蕃茄，夾起來口感都幾清新，至少佢整體嘅感覺唔係香港人所認識嘅米線，對好多人應該都幾有新鮮感。返工太攰，唔想諗嘢，阿姐推介我食呢度嘅虎皮豬蹄，炸過嘅豬皮幾好，又唔會太熱氣，佢嘅豬手唔係骨膠原感覺，但又令人幾難以忘記。有幾個推介嘅飲品，我叫咗個冰糖山楂凍，解渴得來亦都解辣，不錯。佢有好多個唔同嘅湯底同埋菜式其實都好有名，但一個人能力有限食唔到太多，唔好學我一個人食，店
宣傳話係成都嘅米線天花板，全國有800間分店，孤陋寡聞嘅我，真係聽都冇聽過。
正好補償尋晚諗住食川品但食唔到嘅不快，今晚就俾我搵到間咁嘅嘢。
佢有多種唔同嘅湯底，泡椒米線係首選，唔使諗就試呢個，店員問我食唔食得辣，唔知佢咩料，選咗中辣試試。
店員推介豬腰同蝦滑，喺潮州同台南食過好好食嘅豬腰情況底下，呢個確實都幾出色，至少我好肯定佢唔係溫體即做嘅新鮮，蝦滑冇佢哋嘅推介咁誇張，可能香港人食得太多好食嘅滑，呢個係可以但係唔係一試難忘嘅質素。
佢哋嘅米線唔似平時你喺香港食嗰種，佢係比較厚身少少嘅米粉感覺，掛湯一流，如果湯入面有好多海帶蕃茄，夾起來口感都幾清新，至少佢整體嘅感覺唔係香港人所認識嘅米線，對好多人應該都幾有新鮮感。
返工太攰，唔想諗嘢，阿姐推介我食呢度嘅虎皮豬蹄，炸過嘅豬皮幾好，又唔會太熱氣，佢嘅豬手唔係骨膠原感覺，但又令人幾難以忘記。
有幾個推介嘅飲品，我叫咗個冰糖山楂凍，解渴得來亦都解辣，不錯。
佢有好多個唔同嘅湯底同埋菜式其實都好有名，但一個人能力有限食唔到太多，唔好學我一個人食，店員話呢度仲可以打邊爐，留名下次再試吓。
Post
