Video
Read full review
2017-11-14
997 views
每次其實係為咗食佢嘅soft-baked cookies先嚟Subway！每一次都順便買埋三文治，但今次係隔離759食咗車仔麵所以就只係買曲奇。由於第一次單買曲奇，我先知原來咁平！三塊先18蚊！平時係Mrs.Field三款都已經係40幾，平成一半有多。好老實講，我鍾意Subway嘅曲奇多過Mrs.Field，後者最近表現每況愈下，淨係得糖粉味，而且愈來愈薄，咁樣自然會焗到乾曬。但係Subway嘅soft-baked cookies 保持到由我第一次食佢嘅口感，厚身夠煙韌，入面Keep到軟曲奇應有嘅濕潤度，黃糖味唔會搶咗曲奇嘅牛油香。我最鍾意佢地嘅Raspberry & White Chocolate口味，Raspberry嘅酸甜中和咗白朱古力嘅甜膩，食多兩塊都唔會濟。純朱古力軟曲奇就一貫地好食，每一啖都有半溶嘅朱古力粒粒，而且有陣陣嘅燕麥香，圖中可以睇到佢真係好鬆軟。依加知道原來單買曲奇先咁平，平時唔想食三文治都可以嚟食喇！
好老實講，我鍾意Subway嘅曲奇多過Mrs.Field，後者最近表現每況愈下，淨係得糖粉味，而且愈來愈薄，咁樣自然會焗到乾曬。但係Subway嘅soft-baked cookies 保持到由我第一次食佢嘅口感，厚身夠煙韌，入面Keep到軟曲奇應有嘅濕潤度，黃糖味唔會搶咗曲奇嘅牛油香。
我最鍾意佢地嘅Raspberry & White Chocolate口味，Raspberry嘅酸甜中和咗白朱古力嘅甜膩，食多兩塊都唔會濟。
純朱古力軟曲奇就一貫地好食，每一啖都有半溶嘅朱古力粒粒，而且有陣陣嘅燕麥香，圖中可以睇到佢真係好鬆軟。依加知道原來單買曲奇先咁平，平時唔想食三文治都可以嚟食喇！
Post
