Video
Read full review
2016-10-24
1651 views
終於終於落風球，第二日天氣好到不得了，困左喺屋企2日悶到發瘋，於是一起身就即刻搵間cafe享受下！嚟左呢間新開既人氣台灣過江龍cafe! 聽聞Coffeeholic 係亞州正在擴大規模, 而香港就獨有5款口味咖啡：甜酸苦辣咸，食物recipe 同台灣一樣，去唔到旅行都可以幻想下置身於台灣哈哈～!店內面積唔大，有兩層 由於一眼睇晒下層滿座，所以按排我同朋友上第二層。縱使上層有洗手間同裝修簡約d, 我個人比較喜歡上層靜d、可以坐耐d~ 佢地既枱櫈好特別，係巴黎鐵塔喲～～～忽然間覺得好浪漫喲～～～～（想去旅行想到癲左XD )店員好有禮貌同耐性，我有選擇困難症，佢就好有心機甘介紹同講解佢地既食物有咩特別，同埋咩菜式最受歡迎。我最後點左個《煙三文魚忌廉意大利粉 $118》- 原來仲有隻溫泉蛋置頂！我先將溫泉蛋同煙三文魚碎&忌廉意大利粉拌勻再一拼入口（好貪心）。忌廉濃度適中，煙三文魚碎好香口，意大利麵軟硬適中。伴碟仲有黃色、綠色既瓜，健康得嚟感覺又清新～《喜馬拉阿海塩焦糖拿鐵 $38》用左「喜馬拉阿山 - 粉紅色海塩」，淨聽已經覺得好靚好吸引～塩散左喺咖啡杯邊同表面，未搞拌前可以輕嚐塩味，仍然比較
終於終於落風球，第二日天氣好到不得了，困左喺屋企2日悶到發瘋，於是一起身就即刻搵間cafe享受下！嚟左呢間新開既人氣台灣過江龍cafe! 聽聞Coffeeholic 係亞州正在擴大規模, 而香港就獨有5款口味咖啡：甜酸苦辣咸，食物recipe 同台灣一樣，去唔到旅行都可以幻想下置身於台灣哈哈～!
店內面積唔大，有兩層 由於一眼睇晒下層滿座，所以按排我同朋友上第二層。縱使上層有洗手間同裝修簡約d, 我個人比較喜歡上層靜d、可以坐耐d~
佢地既枱櫈好特別，係巴黎鐵塔喲～～～忽然間覺得好浪漫喲～～～～（想去旅行想到癲左XD )
店員好有禮貌同耐性，我有選擇困難症，佢就好有心機甘介紹同講解佢地既食物有咩特別，同埋咩菜式最受歡迎。
我最後點左個《煙三文魚忌廉意大利粉 $118》- 原來仲有隻溫泉蛋置頂！我先將溫泉蛋同煙三文魚碎&忌廉意大利粉拌勻再一拼入口（好貪心）。忌廉濃度適中，煙三文魚碎好香口，意大利麵軟硬適中。伴碟仲有黃色、綠色既瓜，健康得嚟感覺又清新～
《喜馬拉阿海塩焦糖拿鐵 $38》用左「喜馬拉阿山 - 粉紅色海塩」，淨聽已經覺得好靚好吸引～塩散左喺咖啡杯邊同表面，未搞拌前可以輕嚐塩味，仍然比較一下搞拌後海塩溶於咖啡中既味道～甜中帶塩味好特別，增加左味道既層次，而且多左塩味好似令咖啡味更香。
朋友就點左《意大利燴牛肋條，雜菜配溫泉蛋，蘆筍及鮮蕃茄醬 $148》- 佐以墨汁麵包、牛油果沙律、旋風薯。旋風薯配以秘製醬汁更惹味。以牛油果沙律抹上墨汁麵包上一齊食我覺得唔錯。新鮮蕃茄醬由鮮蘆筍、栗米、蕃茄一拼打成，no MSG (不含味精）健康有益～與溫泉蛋拌勻更正～
牛肋骨以慢煮方法製成，肉質十分稔同滿有牛味而且多肉汁，美味！份量太少有點唔夠喉，剩左d汁又覺浪費。
再點杯烤杏仁咖啡（熱/凍），呢杯係凍既。以木頭當杯墊及星星形小匙比人感覺好骨子～上層既咖啡泡好香滑，聞到淡淡既杏仁香。
之後每人加$20各點一款甜品：我地點左朱古力brownie同抹茶味brownie~上枱賣相仍然精美～
朱古力brownie較甜，我地覺得抹茶味brownie既甜度較適合我地。
為食既我地坐多陣又想食野於是追加一個《可樂餅 $48》，以薯容+煙肉炸成，但我本人唔係太喜歡炸物，所以都係由朋友消滅佢～其實幾香，喜歡炸物既朋友可以一試～Post
