Video
Read full review
2007-12-16
132 views
又有新回轉壽司"淳壽司" 登陸銅鑼灣, 開0係一壽司隔離, 有無運行呢? 呢次好孩子化身投名狀既超級步兵, 衝過去食哂D 子彈, 唔知C 唔C 呢? 合埋眼! 衝呀! 殺呀! 好唔好食? 又睇落去?Toro: 擒賊先擒王! 第一個攻擊既對象就係Toro, 一於一箭定生死! 殺人不點"醬", 直攻要害! um! 都係普遍回轉壽司店Toro 既通病, 解涷有問題, 睇黎為左食好味既Toro, 要升級學下M 女將軍食真正大師傅既手藝! 呀...呀...呀...點解...咬左落去件壽司有咁既感覺既...D 飯...D 飯...呀...繼續衝... 帆立貝海膽黑魚子壽司: 比個大將打傷, 先打呢個副將! 佢睇落幾打得, 帆立貝件頭可以, 配上海膽黑魚子與別不同, 睇下你中意食帆立貝既鮮甜味, 一或味道要少少變化? 再咬下...D 飯...D 飯...又中一槍... 炸軟殼蟹手卷: 迎面黎左一個"獨臂" 軟殼蟹戰士, 等我一下斬埋去! ka chak...終於比我遇到本地回轉壽司中最唔脆, 最涷, 最無肉, 整得最無heart, 最難食既炸軟殼蟹! 呢
Toro: 擒賊先擒王! 第一個攻擊既對象就係Toro, 一於一箭定生死! 殺人不點"醬", 直攻要害! um! 都係普遍回轉壽司店Toro 既通病, 解涷有問題, 睇黎為左食好味既Toro, 要升級學下M 女將軍食真正大師傅既手藝! 呀...呀...呀...點解...咬左落去件壽司有咁既感覺既...D 飯...D 飯...呀...繼續衝...
帆立貝海膽黑魚子壽司: 比個大將打傷, 先打呢個副將! 佢睇落幾打得, 帆立貝件頭可以, 配上海膽黑魚子與別不同, 睇下你中意食帆立貝既鮮甜味, 一或味道要少少變化? 再咬下...D 飯...D 飯...又中一槍...
炸軟殼蟹手卷: 迎面黎左一個"獨臂" 軟殼蟹戰士, 等我一下斬埋去! ka chak...終於比我遇到本地回轉壽司中最唔脆, 最涷, 最無肉, 整得最無heart, 最難食既炸軟殼蟹! 呢一下"獨臂" 軟殼蟹攻擊一支英槍直穿我左邊膊頭......唔可以倒下既, 我要食落去...
好在...淨係得番一個order 未黎, 如果唔係, 我一定嗚甲收兵, 快快趣最後一擊北海魚生飯: 上層既魚生係可以既, 底層D 飯...D 飯...我忍唔住喇!!! 點解D 飯係白...膠...槳?!!!! 原來全店既壽司飯都係"白膠槳" 黎!!! 黏得要命...任你既魚生幾新鮮都無用, 何況唔係! 所謂壽司肉與飯切肉不離皮先可以相附相承, 任你大將軍武功幾高強都好, 無盔甲武器配合都係無用...對於呢間回轉既意見係...睇埋落去先?
埋單$155, 恭喜哂! 超級步兵好孩子今次壯烈犧牲, 為左大家戰C 沙場...中左咁多刀...不過要講埋下面幾句先斷氣...
環境: 3 (峰壽司式既裝修)
衛生: 3 (見唔到蛇蟲鼠蟻)
服務: 1 (雖然女待應很有禮貌, 不過有個男待應同佢同事竟然講粗口! 第一次0係回轉聽到待應咁大聲講粗口! 發脾氣出去發, 黎食野唔係食你既怨氣!)
設計: 3 (menu d promo 既食物有相, 有"淳" 既簡介, 同公司既理念, 講幾多都無係無用, 結果都係做唔到!)
味道: 0.5 (同包膠紙既壽司不相伯仲既質素!)
價錢: 1 (就憑呢個質素想收呢個價錢...)
最終評分: (1) 初時懷疑係咪咁0岩0個日d 飯有問題, 後來睇過其他既食客既feedback, 都有講過話d 飯係過黏, 即係唔係我去0個日既個別例子, 而整飯0個位真係整得過黏...而呢個價錢加埋食物種類, 比隔離一壽司掃走吧...
Post
