海記合桃坊甜品 (Closed)

今晚同朋友係尖沙咀食完晚飯，天氣轉凍，見又唔係好飽，即刻想食番碗熱辣辣嘅甜品暖下身先返屋企。之前我記得附近有一間中式甜品舖頭， 去到門口又發現冇人等位 ， 正呀！即刻嗱嗱臨入去搵個位坐好先 ，我就叫咗碗補身嘅蓮桑寄生蓮子蛋茶，一粒粒蓮子好足料 ，食落去好軟綿綿， 將雞蛋壓碎混入糖水中， 就係我細個時候最鍾意嘅食法，朋友就2叫了一碗杏仁露，佢話杏仁有美白肌膚作用，果然識食，但唔係間間甜品鋪都有同整得好味，呢間就比較甜，又唔夠熱，仲有一舊舊嘅口感，實在麻麻地。