一茶詞 (Closed)

最近係聯合樓下見倒間鋪名好有詩意嘅手搖飲品店，呢類鋪頭唔可以再話係台式飲品店，唔可以再宣傳為台灣過江龍，因為呢間一茶詞係本土產物，老闆係香港人！（等野飲時係宣傳電視聽倒架）因為最近天氣凍冰冰，所以點左杯烤棉花波波茶，店鋪標磅係用台灣茶茶底，眼見店鋪內至少有6種茶底，偷看到有錫蘭，烏龍等等，可見每款茶都適心調製！而牛奶方面就用奶味濃嘅明治牛奶。店員奉上飲品時即刻想影相，因為波波茶有一粒粒棉花糖係上面，飲法有兩種，第一款係飲管插底飲倒濃濃紅茶味，第二種係由半開杯口連棉花糖，奶蓋及茶底同飲，原來棉花糖經微波爐加熱後係脆卜卜嘅，所以咬完脆卜卜又有甜甜奶香同濃濃紅茶，多層次又暖笠笠，抵讚。同樣地店家都有糖份濃度選擇，我選擇了微糖（25%）更顯得茶底香濃，喜歡甜少少嘅朋友可以選半糖或全糖架！