巴辣仔烤魚雞煲 (加連威老道) (Closed)

嚟到冬天❄️最好就係食雞煲暖暖身🌡️，我同朋友今日嚟到巴辣仔就叫咗個藥膳醉雞鍋，湯底有紅棗、杞子、龍眼、花旗參等，好足料，補身至啱，好適合女仔食呢，我自己都飲左幾碗湯。餐廳服務一流，店員幫我哋放隻雞落個煲煮大概十幾分鐘就有得食，個湯飲落去甘甘甜甜，令人一試難忘。隻雞食落去好嫩口，配白飯同啤酒一流。🍺下次有機會一定會試埋餐廳嘅烤魚同米線！！👍👍 $200 2個人食到咁高質嘅雞煲lunch 真係好抵食！