我先試咗 一人火鍋餐 $98，花膠濃湯底真係好正，燉到金黃色，飲落鮮甜冇腥味。米線吸晒湯汁，彈牙又夠味。牛肩胛肉切得薄薄，涮一涮就熟，入口嫩滑，肥瘦比例啱啱好，食到好滿足。自己煮個小煲，冬天食真係正到爆。
之後再叫 藥膳黃酒花膠雞米線 $68，我加咗淮山麵 (+$5) 同雞髀 (+$10)，總共 $83。黃酒味唔會太烈，帶少少藥膳香，飲落暖笠笠。淮山麵好Q彈，雞髀肉厚實又燉到好腍，骨都鬆晒。花膠粒粒彈牙，食完有種補氣嘅感覺，但又唔會太膩。
總結：雞駅質素穩陣，湯底真係用心，位置雖然係工廠大廈，但行去MTR觀塘站大概10分鐘就到。人均 $100 左右就搞掂，抵食又舒服。
