Video
Read full review
2025-01-19
205 views
今次我過左黎深水埗諗住買ps5手制，跟住再去買六合彩搏中就唔洗做，六合彩要買真飛先有feel，係馬會隔離見到呢間新開既花膠雞湯店，原來係米線店黎，咁就順便食埋飯先番屋企啦😆餐廳都似係做街坊生意，人流都幾多，坐位就普通茶餐廳既坐位，佢地每一個鍋都可以揀唔同既主食，有米線，米粉，公仔麵，白飯，我就揀左配米線，覺得最夾係米線，我初頭以為係一碗米線咁，佢係鍋還鍋，主食還主食，自己放入湯度一齊食😗招牌花膠雞鍋（$68）其中一個就揀左招牌花膠雞鍋，佢個雞湯幾濃味，花膠份量都唔少，雞整得幾滑，花膠亦都鮮味🐥娃娃菜雲吞雞鍋（$68）呢個湯相比花膠雞係冇咁濃，睇個顏色都係冇咁金黃色，但係都仍然唔錯，佢地粒雲吞係自己包既雲吞，d餡料係幾靚🥟呢間店我幾欣賞佢個鍋係好似小型邊爐咁煮住佢保持住溫度，特別依家咁凍我食完暖番曬，d野食又唔會好快凍，同埋d雞係做得唔錯👍🏻最後我果注六合彩可惜冇中到🥲
餐廳都似係做街坊生意，人流都幾多，坐位就普通茶餐廳既坐位，佢地每一個鍋都可以揀唔同既主食，有米線，米粉，公仔麵，白飯，我就揀左配米線，覺得最夾係米線，我初頭以為係一碗米線咁，佢係鍋還鍋，主食還主食，自己放入湯度一齊食😗
招牌花膠雞鍋（$68）
其中一個就揀左招牌花膠雞鍋，佢個雞湯幾濃味，花膠份量都唔少，雞整得幾滑，花膠亦都鮮味🐥
娃娃菜雲吞雞鍋（$68）
呢個湯相比花膠雞係冇咁濃，睇個顏色都係冇咁金黃色，但係都仍然唔錯，佢地粒雲吞係自己包既雲吞，d餡料係幾靚🥟
呢間店我幾欣賞佢個鍋係好似小型邊爐咁煮住佢保持住溫度，特別依家咁凍我食完暖番曬，d野食又唔會好快凍，同埋d雞係做得唔錯👍🏻
最後我果注六合彩可惜冇中到🥲
Post
