蟹家鉄板燒 (Closed)

天寒地凍最好食個火鍋取暖， 但又唔想打邊爐咁豐富，於是去咗蟹家食蟹鍋。午市蟹鍋定食$160包沙律，二片三文魚刺身，味噌湯，白飯及餐飲。主角蟹鍋有鱈場蟹腳，蟹鉗，小蟹蓋及配菜。蟹腳粗大，原條蟹腳肉非常容易取出來，蟹肉厚厚的極鮮甜。蟹蓋下原來藏了很多蟹黃，用匙羹撥進咀裏，那份芳香濃郁叫人回味。有些蟹黃溶化入湯中，湯中充滿蟹的鮮味，令我不禁整個鍋的湯都喝掉。　    食完這個鍋後成個人都暖笠笠。