燒肉酒場 (Closed)

琴日去左整頭髮，坐咗好多個鐘，超級肚餓，決定夜晚食得豐富啲。加上天氣凍冰冰，就諗到食燒肉燒肉酒場係北海道style燒烤，有唔少羊肉菜式幾特別， 環境似北海道滑雪場入面嘅木屋。😄先嚟椰菜絲沙律同蕃茄蒜子沙律打個底，開下胃。叫咗多款羊肉招牌菜，有蒙古羊卷肉，紐西蘭羊腿，切得薄薄，容易燒熟，羊肉吾蘇。柚子雞腿肉夠滑嫩，西京豬頸肉juicy肥肥哋😋😋美國牛板腱，牛味濃郁。最後食埋個石鍋羊肉拉麵，真係成個人暖笠笠又夠飽。食燒肉當然係要啤啤佢，試咗三得利黑啤，好解渴，而檸檬威士忌梳打，酒味足👍