李圓圓 (寶安大廈) (Closed)

天寒地凍行街街，最正莫過於來一杯暖笠笠嘅熱飲！呢日同朋友喺旺角行街，經過李圓圓見到啲飲品好似幾吸引，就一齊試吓。我點了黑糖薑母茶，味道清甜之餘仲好夠「薑」，飲完即刻覺得個個身暖笠笠，驅走寒意！飲品仲可加入珍珠，份量仲好足，而且店員話係粒粒明火熬煮，煙煙韌韌口感迅間提升。朋友就點了黑糖珍珠冬瓜茶，佢話唔會太甜味道岩岩好。而且呢度除了可選擇凍丶熱飲，仲可以揀「溫」，咁就唔怕熱得滯可以即刻飲。佢哋仲有招牌黑糖珍珠鮮奶，下次再試吓先！