幸福四季椰子雞 (譽發廣場)

Open Now

Now Closed

天氣凍，自然想食暖笠笠嘅嘢，今晚同爸爸去咗幸福四季椰子雞。平日行過油麻地見到呢間餐廳，想試咗好耐，聽朋友講幾好食。餐廳環境好寬敞，坐在窗邊嘅卡位好舒適，仲可以望到街外嘅景色。呢度嘅椰子雞鍋用上100％椰子水，店家叫我哋先試下鍋底嘅椰子水，證明係真材實料。之後就放半隻文昌雞落去煮五分鐘，佢介紹，海南文昌雞150日大，是走地雞，外皮脆卜卜，入面彈牙滑嫩。滾起先喝湯，再食雞肉，之後就加雞湯，放火鍋料。試咗呢度嘅手製響鈴，真係即場炸，脆卜卜熱辣辣。煲仔飯都係呢度嘅招牌菜，大大煲有好多臘味，仲有飯焦，好有風美。我好欣賞呢度嘅杞子桂圓熱飲，係廚房自己煲嘅，好滋潤。