Video
Read full review
2021-11-11
39 views
明爐烤海鱸($128)••••••天氣盡始少少凍，見有新品推介❗️原條明爐烤魚價錢仲好優惠🤩可以按需要加錢追加配料。嚟到超越大盆😍本身已經包蓮藕、粟米、豆卜。Gas爐好快滾起陣陣飄香嘅沙嗲湯底，鱸魚好在多肉少幼骨😬易起肉，店家預早烤過，魚皮即使浸湯仍不失酥脆口感👍🏻魚肉愈煲愈入味，沙嗲湯微辣帶花生粒花生醬香，非常非常滿意❗️黑椒味噌 封門牛柳石鍋飯($68)••••••WOW，出哂煙，咋咋聲嘅石頭鍋飯係幾吸引🤤鰹魚碎上枱不斷郁郁下🤣黑椒就認真得少少存在感，醬汁較似烤肉燒汁，連洋蔥帶牛柳食幾惹味，最重要係到尾都仲食到熱辣辣嘅飯☺️套餐仲送青檸梳打🤭CP值好高石鍋米線(九個餸)($85)配 馬來肉骨茶薯粉••••••黑毛豬梅肉片、墨魚頭、豬皮、美國肥牛、滷水雞腎、滷水腩肉、紅燒螺片••••••自己米線自己煮😛用石鍋食米線本身已經夠哂噱頭，點知原來可以自己一手一腳煮，真心玩味十足😜先將配料放入高溫石鍋，倒入湯冚蓋焗一分鐘，然後將粉麵倒入鍋中焗多30秒就OK食得！噴哂煙嘅薯粉好煙韌，肉骨茶湯底無味精較清淡，滷水雞腎爽，腩肉大片，梅肉片有淡淡豬肉香，整個用餐體驗不錯😋✅晚市有串燒食添㗎！不過今晚已經好
明爐烤海鱸($128)
••••••
天氣盡始少少凍，見有新品推介❗️原條明爐烤魚價錢仲好優惠🤩可以按需要加錢追加配料。
嚟到超越大盆😍本身已經包蓮藕、粟米、豆卜。Gas爐好快滾起陣陣飄香嘅沙嗲湯底，鱸魚好在多肉少幼骨😬易起肉，店家預早烤過，魚皮即使浸湯仍不失酥脆口感👍🏻魚肉愈煲愈入味，沙嗲湯微辣帶花生粒花生醬香，非常非常滿意❗️
黑椒味噌 封門牛柳石鍋飯($68)
••••••
WOW，出哂煙，咋咋聲嘅石頭鍋飯係幾吸引🤤鰹魚碎上枱不斷郁郁下🤣黑椒就認真得少少存在感，醬汁較似烤肉燒汁，連洋蔥帶牛柳食幾惹味，最重要係到尾都仲食到熱辣辣嘅飯☺️套餐仲送青檸梳打🤭CP值好高
石鍋米線(九個餸)($85)
配 馬來肉骨茶薯粉
••••••
黑毛豬梅肉片、墨魚頭、豬皮、美國肥牛、滷水雞腎、滷水腩肉、紅燒螺片
••••••
自己米線自己煮😛用石鍋食米線本身已經夠哂噱頭，點知原來可以自己一手一腳煮，真心玩味十足😜先將配料放入高溫石鍋，倒入湯冚蓋焗一分鐘，然後將粉麵倒入鍋中焗多30秒就OK食得！噴哂煙嘅薯粉好煙韌，肉骨茶湯底無味精較清淡，滷水雞腎爽，腩肉大片，梅肉片有淡淡豬肉香，整個用餐體驗不錯😋✅
晚市有串燒食添㗎！不過今晚已經好飽飽了🤣下次再試😚
Post
