Video
Read full review
2018-01-29
41 views
呢排天氣又轉涼，最啱就係打邊爐啦，不過香港人一年365日都最鍾意打邊爐架啦！平日食開嘅都係放題打邊爐，今日朋友生日就食好啲啦，揀咗呢間係銅鑼灣嘅「漁火」，之前睇過唔少食評都對呢間讚不絕口，今日一於試吓佢。一出𨋢門口就見到好日式嘅裝修，旁邊仲擺着個水池養住啲龍蝦同埋其他海鮮，十分新鮮！可能嗰日我哋都比較早上去食飯，無book位嘅我地等左一陣都已經可以入座。坐低後，店員好快就過來招呼我哋，同我地介紹餐牌，之後捧上一盤有九種火鍋醬料，十分細心，客人可以自行在座位中調味，並唔需要行去其他地方拎，呢個位抵讚！我哋嗌左個「芫荽皮蛋豆腐湯底」，味道香濃、清甜，一啲都唔油膩，而且十分足料，有大量嘅皮蛋、豆腐、芫荽，我好鍾意呢個湯底，直情可以就咁飲啲湯！火鍋配料方面嗌左漁火特色四色丸、漁火特色牛盛薈同時令雜菜籃。四色丸包括手打墨魚丸、手打牛筋丸、手打鮮蝦丸、手打鹹魚豬肉丸。一次過可以試晒四隻味道，呢隻丸係生上的，並唔係預先整定，十分新鮮，煮熟後爽口彈牙，尤其是鮮蝦丸，好濃蝦味，咬入去仲有好多細細隻嘅蝦，正！而漁火特色牛盛薈令我更加驚喜，有齊餐牌上嘅牛頸脊、牛邊位、頂級prime牛、牛舌芯、和牛粒。一上枱
呢排天氣又轉涼，最啱就係打邊爐啦，不過香港人一年365日都最鍾意打邊爐架啦！
平日食開嘅都係放題打邊爐，今日朋友生日就食好啲啦，揀咗呢間係銅鑼灣嘅「漁火」，之前睇過唔少食評都對呢間讚不絕口，今日一於試吓佢。
一出𨋢門口就見到好日式嘅裝修，旁邊仲擺着個水池養住啲龍蝦同埋其他海鮮，十分新鮮！可能嗰日我哋都比較早上去食飯，無book位嘅我地等左一陣都已經可以入座。
坐低後，店員好快就過來招呼我哋，同我地介紹餐牌，之後捧上一盤有九種火鍋醬料，十分細心，客人可以自行在座位中調味，並唔需要行去其他地方拎，呢個位抵讚！
我哋嗌左個「芫荽皮蛋豆腐湯底」，味道香濃、清甜，一啲都唔油膩，而且十分足料，有大量嘅皮蛋、豆腐、芫荽，我好鍾意呢個湯底，直情可以就咁飲啲湯！
火鍋配料方面嗌左漁火特色四色丸、漁火特色牛盛薈同時令雜菜籃。
四色丸包括手打墨魚丸、手打牛筋丸、手打鮮蝦丸、手打鹹魚豬肉丸。一次過可以試晒四隻味道，呢隻丸係生上的，並唔係預先整定，十分新鮮，煮熟後爽口彈牙，尤其是鮮蝦丸，好濃蝦味，咬入去仲有好多細細隻嘅蝦，正！
而漁火特色牛盛薈令我更加驚喜，有齊餐牌上嘅牛頸脊、牛邊位、頂級prime牛、牛舌芯、和牛粒。一上枱後，老闆提醒左我哋牛頸脊同牛邊位呢兩款唔使整到全熟，如果唔係會比較韌。
聽咗老闆講，烚左十多秒就拎起，真係岩岩好，食得出牛嘅鮮味同埋原本嘅味道，完全唔需要其他嘅配料已經好好味，好足夠。
個人最喜歡prime牛，脂肪同瘦肉分佈得好好，牛味濃郁，入口即溶，真係食停到停唔到口！
另外仲嗌左個潮式冷南非鮑魚，辣辣地好惹味，十分新鮮，鮮味十足，爽口彈牙，一啲都唔韌。
最後嗌左一榨呢到自家製嘅竹蔗茅根，十分清熱，解膩。
總括而言，今次呢餐食得好滿足，朋友都十分滿意，下次會再叫多啲朋友一齊試吓！
Post
