榮哥煮場 (Closed)

天氣凍凍哋最啱食個暖笠笠嘅鍋行過見到呢間餐廳又有鍋又有小菜仲有甜品食 喺出邊望入去有一種家庭嘅感覺再加上見到個咁有熟悉感嘅名一於試下佢🤣=====================一行二人都有選擇困難症所以索性叫佢嘅二人套餐包羅萬有😏😏一個二人套餐價係$278 包括四選一鍋，一款小菜，一個前菜小食，兩個白飯同兩碗甜品鍋物既選擇有1）酸菜魚鍋2）藥膳雞鍋3）濃湯花膠雞鍋4）胡椒豬肚雞鍋我哋試咗濃湯花膠雞鍋，火鍋裝置有誠意，係用一個可較大細既爐上，店員亦好細心提醒我哋滾起左一轉可以熄火先，如果唔係會影響啲雞嘅嫩滑度！👍🏻雞件大概有15塊，肉質嫩滑，花膠既份量絕對有誠意，大概有8塊左右，口感不錯，唔會太單薄，對得住呢個價錢👍🏻啖濃湯就當然係重點，湯底用上鮮雞，蒜子，唐芹，木耳，每一啖都係精華所在，口感亦豐富，一啖湯一啖飯既配搭無得輸！小菜大概係2 30款小菜入邊揀，我哋一嚟就揀咗個出邊冇見過嘅小菜，就係酸甜藍莓骨，佢嘅做法同生炒骨差唔多，不過用咗藍莓醬，感覺冇咁罪惡感，亦做到外脆內有肉汁既口感，一粒食完又一粒👍🏻另外附送嘅前菜小食，係由餐廳決定嘅，今次俾咗陳醋雲耳我哋，開胃又消膩👍🏻👍🏻最後餐