一鍋堂 (XX Arcade) (Closed)

天氣凍左勁多，又係時候打下邊爐，之前見一鍋堂推出了烚烚一人鍋外賣，外賣自取9折，價錢每人$100有找，所以今日同老公一人一鍋外賣返屋企打邊爐。烚烚鍋有6款鍋，有牛魔王鍋、麻辣鴨升鍋、原味道鍋、豬豬滋補鍋、營素菜鍋，竟然連部隊鍋都有，湯底有成8款湯底選擇，而且每款鍋都有不同配料。最正就係以個鍋可以直接用明火或電陶爐加熱，唔駛返到屋企又要落倒落個煲到再將佢加熱，非常方便，加配埋個支架和燃料，個感覺真係好似出去食咁。一鍋牛魔王鍋配料有安格斯牛肉、安格斯牛粒、封門柳、牛脷心托、潮州牛丸、牛柏葉、真係鴨血、真係花腸、炸枝竹、白蘿蔔、娃娃菜、烏冬，一個人食都好夠飽。湯底我簡左養生藥膳湯，湯底好足料，入面大量藥材，藥膳味道好濃郁。火鍋配料質素都唔錯，配料新鮮，其中安格斯牛肉好軟腍，但唔夠喉。一鍋部隊鍋配料有西班牙栗飼豬、豬爽肉柳、貢丸、雞肉腸、午餐肉、芝士獅子狗、金菇、炸芋頭、麻辣撈雞柳、白蘿蔔、粟米、娃娃菜、烏冬部隊鍋當然簡了韓式泡菜湯，好足料，入面有大大舊豆腐，湯底味道濃郁，不算太辣，第一次用部隊鍋打邊爐，原來咁正，真係好似食緊部隊鍋，最後打完邊爐連湯都飲埋，另外配料西班牙栗飼豬，夠大片，估唔到